KEHNY KO HUM BHE MUSALMAA'N HAIN...... POST # 4

Aurat…ALLAH PAK ki banai hoi aisi makhlooq jisy ISLAM main beyinteha ezzat sy nawaza gaya hy, agar beti ban k paida ho to rehmat, agar maa bany to us k paaon k neechy jannat, b.v bany to shohar k lia baais-e- rahat.ALLAH PAK ny aurat ko sinf-e-nazuk ka darja dia hy. Pehly zamany ki aurat ghar ki chaar diwaari main apny maa baap ki khidmat karti the phir shadi k baad apny shohar ki khidmat kar k jannat kamati the. ALLAH PAK k RASOOL ny farmaya taleem har mard or aurat per farz hy to aurat nikal pari taleem k garz sy, aj ki aurat taleem yafta hy apny paaon py khaari hy khobsoorat hy LIKIN…... apna rutba bhool gai hy, dusry mumalik ki aurtain muslaman horai hain kiun k unhain ISLAM aisa wahid mazhab lagta hy jo aurat ki hifazat karta hy or usy tahafuz dyta hy likin afsoos aj ki parhi likhi muslaman aurat ko islaami taleemaat daqya noosi lagny lagi hen or wo bohat taizi sy jahannum ki taraf douri chali jarahe hy.

 

AJ ki musalaman aurat mardoon ki barabari k chakkar main pori dunya k samny dewani hoi khari hy, taleem k naam py fahashi ko apna kar goroor sy garden akrai hoi is musalman aurat ko dekh k mera dil khoon k asu rota hy… fashion ka naam dy kar apna parda apna hijaab chor k apny jisam ki sar-e-aam nomaish karny wali aurat agar modern hy to mujhy aurat hony py shaarm hy…. Morning shows,drama industries, models, parliament members…society ny tarhan tarhan ki tabqo main baant k sinf-e-nazuk ko besharmi ka putla banadia hy.

Hamara media aurat k asy asy roop dekha rha hy jis ko dekh k  hamari nojawan nasal ki musalman aurat  magroor, matlabi, dhusron ka haq maarny wali or ana parast hogai hy. 
Aj ki musalman aurat ko ye to pata hoga k koun sy dramy main koun c actress ka kia kirdaar hy per wo ye
nahi janti hogi k HAZRAT B.B FATIMA (R.A) ny  apni saari zindagi bari sy bari mushkilaat bardasht kar k bina uff kiay kesy guzari… jaded dur ki jaded society ny musalman aurat ko mazhab sy dur kardia hy usy fikar hy to sirf apni dunya ki akharat ko aj ko modern aurat bhool chuki hy..

Main hyraan hon k ksy aj ki musalman aurat tang kapry pehan k bina dupatty na mehram mardo k samny apni numaish kar sakhti hy?? Wo ye kiun nahi sochti k dunya ki ye maqboliyat o pazeeraai or jisam ki numaaish qabar main uska kia haal karygi..!! is jaded aurat ko rukny ki jald koi tadbeer karny hogi nahi to aj ki ye musalman bybaak aurat jo kisi zamany main sharam ka pekar hoa karti the musalman qoum k lia baais-e-aazaab banjaiygi..

Meri ALLAH PAK sy dua hy k is baar Pakistan main aisi hukumat bhejen jo kuch kary ya na kary per is fahashi k daldal main phasi musalman aurat ko qabu main karsaky ta k any wali nasleen apny mazhab or mazhabi taleemaat k mutabiq zindgi basar karain kiun k bachy ki phli dars gaah maa ki goud hoti hy..ALLAH PAK sab ko hidayat dain (AMEEN)