Humein to apno ne looota.......................POST # 2

Aaj kal aapne dykha hoga k hr Pakistani drama channels pr foreign contents urdu dubbing k sth prime time (8pm-10pm) pr nashr kie jarahe hn jis pr humarey fankaar hazraat sara_pae_ehtejaj hn.

Pakistan me Indian channels banned honey k bavujud or Pakistani drama channels honey k bavujud humarey cable operatures jis bahaduri or beghairti se indain channels nshr karrahey hn iski misal nhi milti or ab to haal ye he k Pakistani channels pr hi Indian or Turkish contents nashr kie jarahe hn sirf islye k humare local dramey ki cost 6-7 lac jb k foreign content Rs 120000 me kharida jasakta jo k humari drama industry k lye khtra or lamha-e-fikria he.

Pakistani drama industry ko South Asia ki powerful industries me se ik tasavvur kia jata he.Taarigh gawah he k Pakistani Drama industry ne apne basalahiyat or devoted writers,directors,producers,actors ki badolat na sirf Pakistan bl k dunya bhar me kamyabi k jhandey gaarhey hn bht se dramey jese ALPHA BRAVO CHARLIE, DHOOP KINAREY, DHUAN, IK MOHABBAT SOU AFSANEY, TANHAIYAN waghera ko mukhtalif zabano me translate kia gaya or ik bari taadad me international viewers inhe dekha or pasand kia krtey the.
Mostly Pakistani dramo me haqiqat ka numaya unsar mojud hota he, aam aadmi or uskey masharti masail ko halkey phulkey romance or humor k sth pesh kia jata he jo k dykhna waley k dil ko chuta he or zehan pr ik gehra asar chorhta he jb k ghair mulky dramo me fantasy, fahashi or shohar k hotey hue ghair mardon se najaiz talluqat ko fargh dete hn jis se humarey masharey me bht bara bigar peda hone ka sabab ban skta he.



Lakin bdqismati se pichley kch saalo se humari drama industry musalsal zawal ka shikar horahi he jiski bari waja Indian serials hn jis me kahani k alawa, ameer family, expensive jewellery, branded saarihyan, barey barey bangle, nokar chakar, or ik adad vamp hoti he or foreign contents ka bhi taqriban yhi haal he.

Mjhe shikwa Indians se nhi bl k apne hi Pakistani channel maalikan or cable operatures se he wo Q Pakistani channels ko numbering me aagey nhi set kartey? ,wo q Pakistani drama khareed kr apne mulk k fankar or maishat ko bhtr bananey me ik ahm krdar ada nhi krtey? sirf apne mafad or chand peso ki khatir apni industry ko dao pr laga rahe hen.Me apne Pakistani channels ki besharmi or beghairti kya bayan karun ? haaliya “PAK-BHARAT khashidgi” ko hi le lein, India humarey fauji jawano ko shaheed kr k unki laasho ki behurmati kr k musalsal humein neecha dikha raha tha, humari women cricket team k sth narawa suluk kr k humari gherat ko lalkar raha tha lakin in channels ko to apne peson ki hi pari thi isilye iifa awards, zee cine awards,dramas,reality shows or unhi ki films ki promotion me masruf they, kya in logo ko Pakistani kaha jasakta he ?

Beshak India hmsey ik din chota honey k bavujud humse taraqqi me kia guna aagey he hum hr field me Hindustan se muqabla krne ki koshish krtey hn lkn q ye bhul gaye k stage comedy me Pakistani fankaro ka koi saani nhi,harana he to comedy me harao, pop music me harao.Humari stage industry ne Omar Sharif, Moin Akhtar, Rauf lala, Sikandar Sanam jese barey naam diye jinho ne dunya me Pakistan ko manvaya.Music industry ne Adnan Sami, Rahet Fateh Ali, Aatif Aslam die. Lakin humarey media ne isi double standards se un ke fun ko zang lagne pr majbur kardia k jb M.M Aalam mrtey hn to srf ticker jb k Baal Thakrey marey to live coverage di jati he.Shoaib Malik ki Shaadi hui to full coverage q k us me Sania Mirza involve thi jb k Umar Gul ki shaadi ka sirf Ticker chalaya gaya. 

Humare mulk me film industry to taqriban he nahi, stage drama industry tabahi ka shikar he,ik aam aadmi k lye mayari entertainment ka wahid zariya drama industry hi he agr wo bhi kasampsari or zawal ka shikar hogai to shayad humarey masahrey me mazid inteshar or depression phele ga.Me yahan humari entertainment industry ko appreciate krungi  q k aaj tk jo inka muqaam he wo sirf or sirf  apni madad aap k tehat he.

Me Indian or foreign dramo ko dikhane k khilaaf nhi lakin Indian channels pr Indian or Pkistani channels pr Pakistani drama dikhae jae or fesla viewers pr chorh den, is se dono industries me competition ki fiza qaim hogi. 

Humein apne funkaro ki dil khol kr hosla afzai krni chahiye or humari hukumat ko drama industry ko bachaney k lye hungami tor pr iqdamat karne chahiye sb se phle to foreigh contents ko skhti se Pakistani channels  pr banned kia jae, bugdet me ik khas quota drama industry ko den q k ye humein economic revenue generate kr k deta he, development funds die jaein, fankaro ko mara'at di jae.

BY  'HIRA SHEIKH'