HANS0 ZARA OR KHILKHILA KR...................... POST # 5

2008-2013, ye jamhuriat k wo 5 saal hn jis me hum ne socha tha k Pakistan me aasman se man o salwa uterega, doodh ki  nehrein bahengi, khane k lye nit naye pakwan honge, rehne ko hr kisi k pass aalishan mehal  hoga or pehanney k  lye roz  naye desighner  ka suit tayyar  hoga, hr koi white collar job officer hoga q k jamhuriat ka danaka jis shaan se bajaya gaya is se to yhi umeeden wabasta ki  jasakti  thi. In 5 saalo me awam ko ye sb nematein mili hon ya na hon lakin is me koi shak nhi k is hukoomat k musheeron or waziron ne humari awam k lye nit naye latifey zarur  pesh kie or apne fikr angez or sabaq amoz bayanat se bohrano me ghiiri qaum ko hansne bl k zor zor se qh qaha lagane pr majbur krdia. Awam ki is khidmat me, RAHMAN MALIK or ASLAM RAEESANI ne sb se ziada participate kia or apne sunheri  aqwal e zarin pr qaum ko sochne pr majboor krdia k agr duniya me 'AWARD OF SHAME' introduce hua hota to hum usey apne mulk k alawa kahi nhi jaaney dete.

 Aaiye hukoomati  waziron  k chand  qeemti, anmol  aqwal-e-zarin k motiyo se hum bhi faizyab honey ki koshish krtey hn:

“ Degee , degree hoti he,ab wo asli ho ya jali " .

"Balochistan k log zada ro rahey hn to hum inko tissue ka truck load krdete hn"             C.M Balochistan Aslam Raeesani

Ye tarikhi bayanat in sahib ne apni party k waziron ki jaali degree pr na-ehl  honey or Quetta me badtarin dehshatgardi k moqe pe ada kie the.In mosuf ne is 5 sala daur me apne hr hr bayan se media or logo ko apni aqalmandi or danishmandi se herat k samandaro me ghotey laganey pr majbur krdia he.Ye minister ab sabiq hochuke hn lakin mene in k nam k aagey former nhi lagay q k phir ye mosuf kahenge 'CM ,CM hota he chahey former ho ya on duty ho'. 

“ Target killing ki bari waja wife or girl friend, boy friend ka jhagra he,100 me se 70 log biwi or girl friends k hathon qatal hotey hn”.

“Me Taliban ka shukar guzar hun k unhon ne shiaon pr hamla na kr k un ki rasumat ka ehtram kia”

.

“Sharpasand anasir shar phelana bnd karein or shehr  chordein”.

“Now everything is under control”.                                      (Rehman Malik)

Ph.D Dr Rehman malik ki personality se to aap sb hi bht achi trhan waqif hogey inka pasandida kam waqt se pehle law & order ki situation batana or rabtey ki hr sahulat pr pabandi lagana  jese telecommunication signals, youtube, or double sawari etc  sth hi dehshatgardo se humdardi or Taliban se pyar krna he. In k mutbiq target killing ki waja laqanooniyat, firqwariyat, bhatta khori, kidnapping nhi bl k biwiyan or girl friends hn isilye aye din wo mobile network jam krdete hn ta k ziada friendships na hosake mumkin he k agr wo agley 5 saal k lye wazir banjaen to shayad shadiyon pr hi pabandi laga den q k na biwi hogi na target killing hogi.

 

“Curroption pr humara haq nhi he kia? “.. (Sardar Abdul Qayyum Jatoi)

Ye wo anmol jumla he jisne hukumati waziron ko soche baghair kr guzarne pr majbur krdia.T.V talk show me puchey gaye sawal ‘apki hukumat me curroption ki barhti hui waja’? to us pr in mosuf ne apne haq ki larai bekhauf ka elaan krdala.Jatoi sahib bar me larkiyo or sharab k sth bhi pakre ja chukey hn or aaj kal PPP se  PML-N me lurak gaye hn.

“Dono ganjey bhai exile me baal lagva rahey hn kya larkiyan phasani he?,abey mulk k masail hal karo bewaqoof “

.

“Raiwand ka mehal dekho,2 factoriyan lekar chala tha ye ganja,bataey kaha se paisa aya ?

“Tu Vig laga kr ghumta he Mr.bean “.                  (Wasim Akhtar)

Ye stand up comedy awam ki khidmat me MQM ki janib se us waqt pesh ki gai jb C.Nisar(PML-N) ne Altaf hussain ki niji zindagi pr baat krtey hue unhen mentally retarded qarar dia tha is k bd goya yun mehsus hua k kisi sher ki dum pr paaoun rakh dia ho phir kia tha WASIM sahib apne josh e khitabat me ye bhi bhul gaye k un k pehu me bhi ik ganjey dost mojud hn .mjhe yaqin he k is media talk k bd ye sahib zindagi me kbhi baal lgvane se tauba krlenge.

“Jo mulk chorhna chahta he chorh de, inhen kis ne roka he” ?P.M (former).

Janab Yousuf .R. Gelani ne CNN ko interview me puche gaye sawal k ‘Gallop poll k mutbiq hr 5^th Pakistani mulk chorhna chahta he to is pr aap kya kahenge’? jawab me ye azim statement dia jis pr programme anchor ki halat dykhne laiq thi.Ab Gilani sahib se is bayan k alawa umid bhi kia ki jasakti he q k in k or inki leadership k tamam asasey or paise to bahar hn to islye wo dusron ko bhi yhi mashwara denge. Ye wohi P.M hn jinhe adalat ne toheen-e-adalat pr 30sec ki saza dekar 5 saal k lye na-ehl qarar dia he.

“Burqey me rehne do burqa na uthao”. (Altaf Hussain)

Altaf  Hussain sahib, jinko ik politician ki hesiyat se jana jata he lakin 9 sept 2011 ki ‘video press conference’ me Altaf bhai  apne talent ko khul kr samne lae, sb se phle to inho ne quran ki surat ki qirat or  tafseer pesh ki, phir roney ki acting ki, phir gana gatey hue apni hi seat pr bethe bethe dance k jalwey bhi  bikhere.Is 3 ghantey ki performance me awam ne qirat,song,acting or dance ko khub enjoy kia jb k unki party k spokesperson  kai dino tk media k sawalo pr bokhlae bokhlae nazar aye.

“Rehman  Malik  pedaishi jhuta he, wo agr saib  kharaha ho or call kr k pucha jae to kahega k kela kha raha hun”

“Me president se request krta hun k agr jhuto ki koi university he to us me Rehman Malik ko vice chancellor laga dia jae”    

    

“Mene 3 lac gun liscence, shaadi me hawai firing k lye taqsim nhi kie”.               (Zulfiqar Mirza)

Former interior minister(sindh) in se to Karachi ka hr bach bacha waqif he,jo k apni shoal bayani se pure Pakistan me mashur hn, minister banney k bd awam ko tahaffuz dia ho ya na ho lkn apni shola-angezi se awam ka jaan o maal zarur china he,In wazir k hr bayan k bd 15-20 laashey girna to Karachi me aam bt thi.

Mjhe umid nhi bl kyaqin he k mundarja bala aqwal se apke ilm me, zahanat me kai guna ziada izafa hua hoga or aap apni siyasi qayadat or wuzra ki knowledge, aqalmandi or strategies k qail hogaye honge or abhi bhi koi shak o shubah rehgaya he to 11 may qarib hi he........................................aap k pass dubara qail honey ka ik or moqa he ;)


BY HIRA SHEIKH