MAYARI FILMON KA FUQDAAN ,POST # 6

Logon say poocha jaye kay app apne farigh auqaat main kia krtay hain to 60 fee sad log yehi kehte hain kay hum net pey ya TV per koi Achi si film dekhtay hain .Ab achi si film se kiya muraad hay ? Muraad yehi hai janaab kay jis ki story bhi aur moseeqi k ilawa cast b achi ho aur kaam b usme acha ho.
Magr abh agar dekha jaye tou aysi filmain bht kam banti hain. Ab banti hain to sirf aysi filmain banti hain jisko srf ek bar dekh kay he dil bhar jata hai ya phir film shuru hotay kay sath hi band kerdeyte hain, kue kay us film ka koi sar pair nahi hota, ultay sedhay mukalmay aur oot patang harkaat hoti hain aur story b fazool he hoti hai. Ya phir aysi filmain banti hain 
jo dosre filmon se mukhtalif nahi hote wohe story hoti hy srf cast alag hoti hai.

   

Kehnay ka maqsad yeh hai kay filmain banti to hain magr koi khas maloomat humain nahin milti aur dekhne se srf wqt ka ziyaa hota hai.Laiken dekha jaye to un fazool filmon main se chand giinii chuni filmain aysi b hain jinhain hum bar bar dekhen tab b dil nahi bhrta jesey India ki film Three Idiots, Taray zameen per, aur Pakistan ki film Boll.Choonkay Bollywood aur Hollywood ki film industry apne pairon pey khari hai to wo log achi aur mayari film bana saktay hain magar Lollywood ki film industry ka to naam o nishaan hi khatum hogaya hai.
Yahan na to achay producer hain jo is baray main sochen na he koi adakaar Pakistan ki filmo main kaam kerne ko tyyar hota hai.Magr jab yahan kay adakaron ko bahar sey offers atee hain tou wo foran us offer ko qubool kerleytey hain. 

Pehlay aik waqt tha jab Pakistan main achi aur mayari filmain bana keerti theen aur log inhain dekhne k liye baqaida cinema gharonka rukh kerte thay magar abh to na film industry rahi hai aur na he cinama ghar baaqi rahay hain.




Pakistan main talent ki kami nahi hai Pakistan ki Drama Industry ki kaarkerdagi bht achi hai aur dunya jahan se log Pakistan kay daramay dekhna pasand kertay hain.Meri guzarish hai un adakro se kay bajaye bahar jaa kar dosron ki filmon main kaam karne kay wo yahan reh kay apni film industrt ko perwaan cherhayen apne talent ka istamal yahan karain aur Lollywood ko bhi Bolly wood aur Hollywood k muqabalay la khara kerden. Aur aysi filmain banayen k log dekhna b pasand kren aur un se koi acha sabaq b hasil karain takay Pakistan k cinema gharo main phir sey ronaq Ajaye..