"LAUGHTER THARAPY" POST # 4

Inssan me ye salahiyat he k wo bistar-e-marg pr bhi his-e-mazah ka muzahira krskta he k “yr me marne wala hun” ya “mar raha hun”. Aajkal  bht se log zinda to hn magar zindagi se bht dur hn, in k maamulaat-E-zindagi  aam logo jese hn lakin itne masruf hn k inhen  khushi  se ‘jiine’ or  ‘guzara’ krne me koi faraq hi nazar nhi  aata. Bht se log apne chehrey k taasurat k zariye apne dil ka haal or mood ka bata dete hn.

Humare  maashrey  ka almiya ye he k log routine k thaka dene wale kaamo me ulajh kr hansna bhul gaye hn. Kbhi  kbhar ik qhqaha ya dhimi si muskurahat bhi din bhar ki thakan zaail krdeti he or agr hum koshish Karen to frustration jesi  bimari se bhi isi qhqaha  ki madad se chutkara hasil krsaktey hn. Aap ka khushgawar rawaiyya na sirf aapki sehat or mood pr bl k aas paas mojud logo pr bhi positive asar  dal sakta he. Jazbat or taasuraat barah-e -ast insan ki jismani or nafsiyaati sehat pr asar andaaz hotey hn. Achi his-e-mazah nafsiyati or aasabi dabao km krsakti he.          

                                                                                         

Yaad rakhiye k jb aap khud hi halka phulka or khushgawar mehsus karenge to burey se burey halaat ka muqabla bhi ba-asani se krsktey hn. Aap k tarz-e - zindagi me bhi numaya tabdili aasakti he or ye bhi khena be-ja na hoga k insan ka dil agr khush he to iski dimaghi salahiyato me bhi izafa hoga. Andruni o beruni  masail, nafsiyaati  masail me bhi  izafa krtey hn. Achi andruni  his e mizah , khushgawar mood or masbat rawaiyya taqhliqi salahiyato me izafey or masail ko durust andaaz me hal krne me madad deti he.

 His-e-mazah  apnaney se ye muraad nhi he k pura din sirf hansi, mazaq ya qhqaha lagane me guzaar diya jae, is khubi se kch yun faida hasil Karen k dykhne walo ko aap zindagi se bharpur or khush nazar aayen hama-waqt  labo pr ik halki si muskurahat bhi shakhsiyat ko munfarid bana sakti he.

 Hum sb jaante hn k muskuraane k lye 17 or tewar charhane  lye 43 pathe harkat krtey hn lehaza agr aap apne chehre ko nagawari  ta’asurat se bachana chahtey hn to zara muskurana seekh lejiye. Ye amal na sirf aapki zindagi bl k aap k ird gird k logo pr bhi acha tasur dalegi. Yaad rakhiye achi his e mazah se aap khud ko halka phulka ,  apne kam or apni personality ko bhtr or munfarid  bhi bana saktey  hn. Is se phley k ye pachtawa aapko  ghere k zindagi k qeemti  lamhaat rotey basortey guzer rahey hn inhen khushgawar bananey ki koshish kijiye.


BY HIRA SHEIKH

.