'Nojawan Mustaqbil k maymaar hn' POST # 3

Aaj  kal  humarey  mulk me hr taraf nafsa nafsi ka daur he. Jise dekho berozgari, mehangai, loadshadding, laqanooniyat, corruption or target killing waghera ka shikar he.Nojawan nasal aisey hi tamam masail me ulajh kr apni asal ahmiyat 0 muqaam se ghafil hn. QUAID E AZAM ne farmaya :

·        

• 'Pakistan is proud of her youth, particularly the students, who are nation builders of tomorrow. They must fully equip themselves by discipline, education, and training for the arduous task lying ahead of them’.

•      'NOJAWAN QAUM K MUSTAQBIL K MAYMAAR HN’.

Ab sawal ye he k humare nojawan mustaqbil k maymaar kese bn skte hn ? jb tk in K paas basalhiyat qayadat, sahi manzil bataney wala mukhlis qaid or is tk pohanchane wala muhibb e watan rahnuma na ho.

Agr  hum daura e hazir k siyasi quaideen ki  baat karein to in k qaul o fayl me behad  tazad nazar aata he. Maslan, barey barey air conditioned mehlon me rehne waaley  jhonpri me rehne waaley mazdur ki bt krtey or In k masail ki baat krtey hn,apne private charter  tayyaron me safar krney waaley leader bus,rikshaw,taxi me bethne waley musafiron k masail ki bt krtey hn isi trhan apni aulaadon ko diyaar e ghair me aala taleem dilwana or phir wahi ki shehariyat rakhna. Sochne waali baat ye he k jb in leaders or in k ghar waalon ko yahan rehna hi nhi he to phir wo is mulk ki behtari or taamir o taraqqi k lye kese kaam krsaktey hn, unse to is mulk k utility bills hi ada nhi hotey, in shakhsiyaat k lye to ye mulk bs ik karobaar, bhtarin kamai, qanoon ki dhajjiyan bikherne or apni taaqat k ghurur ka ik zabardast zariya he. Esey tamam leaders ko humare mulk Pakistan se kia gharz he ? inhen kia faraq parhta he k yahan aman qaim he ya nhi? Taalimi nizaam merit pr he ya nhi? Logo k pas rozgar he ya nhi? Mulk taraqqi karraha he ya nhi? Mulk k tamam masail hal horahey hn ya nhi? Inhe to bs apne iqtedaar or daulat se mutlb he.Bl k inhen to mulk ki kharab or tashwishnaak surat ehaal se faida hi faida he jese jitni zada ghurbat, amun o aman ki kharab surat e haal utni hi gher mulki  imdad, jitni rupey ki qadar girey gi utni hi in k gher mulki accounts me daulat barhey gi.

‘When you have got that light of knowledge by means of education and when you have made yourselves strong economically and industrially, then you have got to prepared yourselves for your defence -- defence against external aggression and to maintain internal security'.(Quaid e Azam)

Aaj ki nojawan nasal ka sb se bara almiyah ye he k wo muttahid nhi hn bl k wo siyasi jamaton, lasaniyat, nasal, or firqon me batey hue hn jiska faida uthatey hue shar pasand anasir nafratein, ta’ssub or bad amni phela rahey hn. Mojuda leaders bhi apne bayanaat k zarye isey hawa dene me ahm kirdaar ada karrahey hn jese koi shakhs target killing me mrta he to ye nhi khtey k Pakistani mra he bl k khtey hn k humari party ka karkun mara he, amun o aman ki kharab surat e haal pr ye nhi khtey k ye Pakistan k khilaaf saazish he bl k khtey hn k humari party ko diwaar se lagane ki saazish he. Is se logo me phoot prhti he.mojuda leaders me se kisi leader me ye salahiyat mojud nhi  k wo tamam nojawan nasal ko ik plate farm pr jama kr sakein  rang,nasal,zuban or firqon se balatar hokar mulk k lye kam krsakein,hr leader apni siyasi jamat or apne faidey ki baat karta he or dusri jamaton pr kichar uchal kr apni siyasat chamkata nazar aata he. Jis se logo me nafrat or intesharr phelta he.

Aj ka nojawan pareshani ka shikaar he k wo kis ka perokaar  baney.Yahan to hr leader pr hi corruption or  beimaani k dhabbey hn.sb hi ka kirdaar mashkook he. Yhi waja he kk nojawano me beinteha mayusi paai  janey lagi he or isi waja se hr koi apne behtar mustaqbil k lye diyar e gher ki khak ch’hante phir rahry hn Isilye Pakistan zindabad k bajae Pakistan se zindabhag  ka naara lagane or majbur hn.lakin humein yaqin rakhna chahiye k ye mayusi k badal zarur chatein ge or hum hi in halat ko badleinge koi bahar se akr humari taqdeer nhi badley ga bl k humei apne zor e baazu pr yaqin rakhte hue apni haalat badalni he.

 ‘ You must concentrate on gaining knowledge and education. It is your foremost responsibility. Political awareness of the era is also part of your education. You must be aware of international events and environment. Education is a matter of life and death for our country.efence -- defence against external aggression and to maintain internal security’. (Quaid e Azam)

Humein chahiye k aisey tamam leaders ko apne votes ki ahmiyat ka andaza dilaein or kisi ko bhi apna rehnuma chunney se pehley Nabi Kareem (s.a.w),Sahaba Karam or Quaid e Azam ki tarz e zindagi or farmanat k rshni me in sb ka ahtisaaab karein. Humare mulk pr humara itna to haq he k hum is k mustaqbil k fesley k lye itna to zarur sochein q k isi ne humein izaat, pehchan or naam dia he. Ye mulk hn to hum hn or Pakistani khlaatey hn. Meri  dua he k humare nojawano ko sahi,sacche or mukhlis rehnuma mil jaein (AAMEEN) . 

BY  'HIRA SHEIKH'