Umeed ki kiran-Imraan Khan. POST # 3

Ajj Pakistan ki awaan jin masaail sey do chaar hay woh sab he jantay hain. Roti kapra aur makaan kay illawa aur bhi buhat say masslay hain jesay curruption, naqis taleem, paani, bijli, gas kay massail, petrol aur gaskay berhtey hoye daam, gareeb awaam ki insaaf tak rasaaye, rishwat, beroone mulq muqeem pakistanio kay sath bura saloook wagera.

Pakistan main abh tak jitni bhi hukoomaten ayeen hain unhonay daway aur waday tou buhat kiye magar amal kisi nay nahi kiya. pakistan ko taraqi ki janib berhanay kay bajaye apni jaibain bhareen, curruption ki aur mulq ko loot ker iatidar say hat gaye. Mulq se tou buhat kuch liya magar mulq kay liye kuch nahi kiya. Naiz pakistan main jo bhi iqtidaar main aya usne khud ko aur apni party ko faydah pohanchaya nakay is mulq ki awaaz ko faydah pohanchaya.



Aysay main aik Umeed Ki Kiran nazar aye hai jo Pakistan ki awaam kay liye kuch ker janay ka jazbah bhi rukhtay hain aur Pakistan ko Quaid e Azam ka Pakistan bananay ka bhi jazbah rukhtay hain. Is Umeed ki kiran ka naam IMRAN KHAN hay,jinhonay khail kay maidaan main to apna loha manwaliya abh siyasat kay maidaan main apna loha manwanay ka azam rukhtay hain. Imraan khan ko ek barri tadaad nojawanon ki pasand kerti hai aur Imran khan kay sarray jalsay kamyab bhi rahay hain. Imran khan ek aaamm awaam ki awaaz boltay hain.

Inkay saray jalson main nojawanon ki ek barre tadad hissa layti hai jo pur azm hotay hain. aur ek naya pakistan ko Imraan khan ki nazar se dekhtay hain. 23 March ko Meenar e Pakistan pey jalsa kertay hoye unhone nay awaaz sey 6 waday kiye jo ajj tak kisi leader nay nahi kiye. Yeh ek muflis leader ki nishaani hai.

Unkay  waday yeh thay: i, hamesha sach boloonga, ii, Iqtadaar say na khud faydah uthaonga na sathiyun ko faydah uthanay doonga. iii, awaami tax ki hifazat kroonga. iv, Beyroon e mulq muqeem pakistanio per zulm berdasht nahi kiya jayega. v, Vote kay liye naaye suboon drama nahi kroonga. vi, Zulm kay khilaaf jahad kroonga.
Imraan khan ka 23 march wala sonaami bhi kamyaab raha jo is baat ka saboot hay kay log inhay aur inkay iradon ko pasand kertay hain aur inhay iqtidar main lana chahtay hain.



Woh dutt sakta hai Amrica kay agay
zarurat abh wo Pakistaan ki hai,
Buhat dekhay hain ibnalwqt leader,
Zarurat abh humain Imraan ki hai.
 (Anwar Masood.)






Main sirf itna he kehna chahti hoon kay hum Nawaaz Shareef, Perwaiz Musharraf , Janab Asif Ali Zardaari o deegar ko azzma chukay hain lihaaza is martaba behter hai kay hum aik aysay insaan ko vote dain jo kabhhi iqtidaar main nahi aya. Humain aik chance Imraan khan ko dena
chahaye aur dekhna chaheye kay wo apne wadon ko kis hadh tak poora kertay hain aur awaam kay liye kia kertay hain, Kia yeh waqaye ek Naya Pakistan banayengen.