"JAMHURIAT BEHTARIN INTEQAM HE" POST # 1

 

Ye tarikhi jumla janab Bilawal Buttto Zardari ne apni walda marhum Benazir Bhutto ki shahadat k moqe pr apni tuti phuti urdu me ada kia tha or aaj me unki party or walid ko salam pesh krna chahungi k unho ne aakhir in 5 saalon me kr dikhaya k waqi “Jamhuriat Behtarin Inteqam Hai”.

Pehle to me is tarikhi jumley ka mafhum nhi samajh saki lakin waqt k sath sath bht achi tarhan is ‘inteqam’ ka matlab samajh agaya. Ye inteqam Pakistan ki awam se lia jana tha q k inka qusur ye tha k wo jamhuriat k haami the .

Ab sawal ye he k aakhir in 5 saalon me humarey hukumraan masruf kahan the? to iska jawab bhi hazir he,Curroption me Pakistan taraqqi kr k 7 no. pr agaya he or NAB chairman Fasih Bukhari k mutabiq Pakistan me roz 10-12 billion ka curroption horahi he, isi waja se Pakistan me mehangai ki sharha 7.40% tk pohanch chuki he or 58.7 million log satahey ghurbat se neechey zindagi guzarne pr majbur hn or bacho ko school bhejne se qasir hn isilye Pakistan literacy rate me dunya me no.20 pr pohanch chuka he.30 lakh se zaid youngsters berozgar hn.  

CNG, Gas, KESC, KSE, WAPDA, Police,  PIA, Railway, Steel mill, Textile industry , Agriculture industry , transport , foreign investment, Rupee ki value, Sports, Justice, koi department esa nhi he jiska janaza nhi prha is jamhuri hukumat ne or in 5 salo me opposition or coalition parties khamosh tamashai bani rahi.  Phir jb is jamhuri hukumat ko aina dikhaya jae to wo fakhr se khtey hn k ‘YE TO JAMHURIAT KA HUSUN HE’.   

 Election 2008, P.P.P ne manshur dia “Roti, Kapra Or Makan” .Is govt ne roti to di lakin corrupt ministers ko , Kapra to dia lakin Kafan ki surat me or Makan  bhi dia Lakin Qabar ki surat me.  

Election 2013, P.P.P ne manshur dia he “Roti, Kapra, Makan, Taleem, Sehat, Rozgar”.Lakin kis surat me milega iska andaza lagana zara qabl az waqt hoga.

Me is mulk me jamhuriat k khilaf nhi bl k jamhuriat k najaiz istemal k khilaaf hun.

Mulk me jamhuri hukumat ne bht si mushkilaat or siyasi bewafaaiyo k bavujud 5 saal ka tenure mukammal karlia he jo k ik khushaind bt he or ab nigran hukumat k zere r saya General Elections hone jarahey hn meri ap sb se appeal he k nasal, bradery, siyasi jaan pehchan, khandani jaan pehchan, tax chor or qarzey maaf karaney walo ko vote na den bl k jis ne mulk ko deliver kia he, saadiq o amin, merit, constitutional, or educated insaan ko vote den or sb se ahm baat k vote zarur zarur den q k hum awam k paas tabdili or inqelab ka yahi ahm rasta he or humare mustaqbil ka sawal bhi he.

BY  HIRA SHEIKH