FACEBOOK: POST# 2

FACEBOOK…..aj kal k dour main FACEBOOK  ka naam sun k sab k diloo main khushi ki lehar dorh jati hay, MARK ZUCKERBERG insan hay ya  jadogar  jis ny ek social website bana k pori dunya py  jadu kardia hay.  Modern zamany ki technologies main ghery sust insan ko Facebook ny mazeed sust banadia hy k edhar laptop sy logout hoiy to cellphone sy login…

khany peeny ka hosh nahi bas FACEBOOK py status dalny ki jaldi hay, or  jo FACEBOOK instemal na kary wo to bhai is ma’ashary (society) main haqarat sy dekha jata hy .Meri is post ka hargiz ye maqsad nahi k main FACEBOOK k bilkul khelaf hon,bal k FACEBOOK pori dunya ka sabsy mashoor social network hy jis ki popularity din ba din barh rahi hy,6 saal main one billion sy zada users is social network k garvida hochuky hain, ab itny sary log isko istemaal kar rahy hain to yaqeenan is k faidy bhi hongy.

• FACEBOOK ek dusry sy baat cheet karny ka behtereen zarya hai jo k bilkul muft hy iski badolat 24 hours dunya k kisi bhi kony main rabta kia jasakhta hay.

• Users apni feelings,apny roz marrah k haalat status k zarye share karty hain or apny friends sy foran feedback hasil karty hain.

•          Bohat sy karobari edaro ny apna karobaar barhany k lia FACEBOOK py page banaya hoa hy jis main un k karobar k mutaliq new policies ati hain jo un k lia faida mand hoti hain is k alawa yahan py users ki tafreeh or maza k lia mukhtalif kisam ki applications,quiz or games hain,Or fankaar,mashoor shaksiyaat ,tanzeemo ny bhi apna page banaya hoa hy jis py wolog apny fans k lia updates dyty hain.

Yeh to baat hogai FACEBOOK k fawaaid (advantages) ki ,ab baat hojaiy zara FACEBOOK k nuksanaat ki to kisi ny kia khoob kaha hy:

  FACEBOOK IS AN ADDICTION NOT A WEBSITE!

• Kiun k is ki badolat loog apna qeemti waqt zaya karty hain,bohat sy teenagers ko is baat ka ehsas nahi hota k FACEBOOK unki zindagi py kitna manfi asar dal rha hai is ki waja sy wo apni parhai sy dour horahy hain kiun k wo apna sara waqt FACEBOOK ki nazar kardyty hain or phir kharab grades k haqdaar banty hain.

• Dusra or sab sy khatarnaak nuksaan ye hay k log fake id or profile bana k blackmailing karty hain khaas tour sy larkion ki tasveeron ka bht galat istemal hoty hai jis ki waja sy aiy din larkiyaan khudkushi kar rahi hain . 

    http://www.mirror.co.uk/news/world-news/amanda-todd-suicide-girls-mum-1379909

• FACEBOOK py bohat say aisy groups or fan pages bany hoiy hain jo dusry mazhab,shaksiyaat or qomiyat k bary main na munasib baten keh kar loogoon main ishteyal paida kar rahy hain jis ki waja sy dunya ka aman tabah horha hay.

•  Din raat FACEBOOK  k istemaal sy logon ki sehat py bhi bht bura asar parta hy or wo bht sy bemario ka shikar hojaty hain jesa k over weight ,eye problem, depression, physical stress etc.

 

http://www.digitaltrends.com/social-media/facebook-may-cause-serious-mental-health-problems-in-kids/ 

Dunya bhar k youngsters FACEBOOK k itny aadi hochuky hain k unka apny ass pass k mahool sy dyhaan hatchuka hay unhony apni ek dunya banali hai jo FACEBOOK k andar hay.   

In sab masaail ko hal karny k lia zaroori hay k apny ap ko FACEBOOK ka aadi na banain apny tamam kaam khatam karny k baad thori dair k lia FACEBOOK istemaal Karen ta k apka demag fresh hojaiy, apny real world k friends ko bhi time dain.

GOODLUCK .