1965 Ki Jang Ka Shaheen POST# 2

                                                    Jhapatna   Palatna  Palat ker  Jhapatna

                                                   Lahu Garam Rukhnay Ka Hai Ik Bahana.

6th September ki tarik raat thi , us raat Pakistan kay log apni tareekh ki pehli Aamriyat kay saaye talay neend ki haseen wadiyoon main khoye hoye thay.Pakistan se hazaaron meel door uska ' Azli Dushman' appney kameen gah main pakistan ko apne khoon khuwar panjon se noochnay kay mansoobay kay akhri marahalay ko intihaye khoofiya tareeqay se ammli jama pehna raha tha. Raat ki tareekhi is siyaah kariyun pay pardah dalay hoye tha. Koi nahi janta tha kay Pakistan k bassiyun pey kia affat tootne wali hay!. Chand he dair bad sooraj ki kirnay phelney wali thee,ayse main fizza main achanak gargarahut hui, pakistan ki sarzameen pay baroodi golay daghay jarahay thay kuch he dair main yeh khabar jungle ki agg ki terhan pooray mulk kay taol.o.arz main phail gaye kay Bharat kay sapoot gair aelania taur pay pakistan pey cherh doray hain . Us waqt Sarghoda Air Base pay Pakistan Airforce kay chand laraka tyaray mamool ki gashti perwaaz kay liye tyaar kharay thay. Bharat kay jungi jahazon ko Pakistan ki taraf agay berhta daikh ker in main se ek Shaheen nay foran uraan barhi aur fizza main buland hotay he mukhalif ki janib teen golay daagh diye jis se hairat angaiz tor pay teen tyaaray tabah hogaye. Abhi Shaheen sambhal he paya tha kay khud ko 6 tyaron kay nargay main ghirra paya, dushman ki tyaray Shaheen ko high jeck kerna chahtay thay Shaheen nay fizza he main chand gotay lagaye aur 6 main se 5 ko 30 seconds main ura diya .

Fizza dhamakon  ki garaj se goonjh rahi the , log khofzadah ho ker gharon main dabkay bethay thay, Iqbal kay Shaheen ney buzdil dushman kay 5 tyaron ko dhool chata di thi aur ek napaak azaaim ko khaak main mila diya tha.Shaheen nay 5 mint main 8 laraka tyaaray tabah ker kay Aalmi Record bana liya tha. Aalmi record banane walay is Shaheen ka naam MOHAMMAD MEHMOOD ALAM tha , Yeh Pak fizaiya kay Nidr, Muhib e watan aur Maya naaz Shaheen thay.Yeh 1934 main Kalkata main paida hoye ,jab Pakistan azaad hua tab inki umer 14 saal thi. 1947 main apnay khandan kay sath mashriqi Pakistan kay sadr muqaam Dhaka chalay aye, apni taleem waheen mukammal ki. Dhaka ki university main Air Squadron kay member rahay aur 1954 main inhonay Pak Airforce join ki.

M.M Alam 1965 ki Jang kay hero thay inhonay jang k doran dushman kay 8 jangi tyyaray 5 mint main tabah ker kay hifazat say apni Air  base pey pohnch gaye. Ajj Pakistan ki naaye nasal ki ek barri tadaad M.M Alam ka naam tak nahi jaanti tou inkay kaam sey kese asshna hogi. Jab peer ki subha inkey intiqaal ki khabar naaye nasal ki samanto'n say takraaye tou koi bhi nahin jaanta tha k inhonay nay Pakistan kay liye  kiya khidmat sar anjaam dee aur kese World Record qaaim kiya, Jab inkay intiqaal ki khaber chali tou sirf 5 mint main inkay karnamay ko biyaaan kerdiya gaya jabkay humara Pakistaani media baal thaakray ki moat ki khabar ek haftay tak chalatay rahay aur unkay sar anjaam kiye hoye karnamon pay behas kertay rahay.

M,M Alam ney 1965 main Pakistan ko tou ek baray sanhay sey bachaliya magar hum Pakistanio ney inhay inki saree umer kia diya ? Humne is Shaheen ko inki zindagi main kitni baar yaad kiya aur kitni bar khiraj e tehseen pesh kiya? Mujhay apni zindagi main yaad nahi perta k merey is dunya main anay k bad se abh tak jitni hukoomaten iqtidar main ayen unhonay ney is Shaheen kay liye kuch kiya ho.Humara almiya yeh hay kay hum ek insaan k jeetay jagtay hoye ussay uskay karnamon pe khiraj e tahseen pesh nahi kertay bulkay uskay intiqaal ki khabar sunkay afsos kertay hyn aur  unkay guzr janay kay baad unki tareef kertay hain. KHAIR hum kuch ker sakay ya na kersakay unkay liye, magar abh jab wo is dunya se kooch ker chalay hain tou hum sab unkay liye dua kesktay hain kay ALLAH unki akhirat achi fermayen, unhonay jo Pakistan k liye khidmaat pesh keen unka Ajr ata fermayen aur unkay derjay buland fermayen... AMEEN